ཉིན་མོ་ཞིག་ཕྱི་དྲན་དང་གླེང་སློང་།

དེ་རིང་འདིར་བདག་གིས་མི་རིགས་དང་རིག་གནས་ལ་ཞེན་པ་དཀར་བའི་རིགས་གཅིག་སྤུན་ཟླ་ཡོངས་ཀྱི་སྙན་ལམ་དུ་ཞུ་དོན་སྙིང་པོ་གང་དེ་མདོར་བསྒྲིལ་ནས་བཤད་ན། འ...


དེ་རིང་འདིར་བདག་གིས་མི་རིགས་དང་རིག་གནས་ལ་ཞེན་པ་དཀར་བའི་རིགས་གཅིག་སྤུན་ཟླ་ཡོངས་ཀྱི་སྙན་ལམ་དུ་ཞུ་དོན་སྙིང་པོ་གང་དེ་མདོར་བསྒྲིལ་ནས་བཤད་ན། འཛམ་གླིང་ཤར་ནུབ་ཀྱི་རྒྱལ་ཁབ་གང་འདྲ་ཞིག་ཡིན་ཡང་སོ་སོའི་ཡུལ་གྱི་གྲགས་ཅན་མི་སྣ་རེ་ལ་ལོ་རེའི་དགེ་རྒན་དུས་ཆེན་གྱི་ཉིན་མོ་དེ་སྲུང་བརྩི་ཞུ་བཞིན་པའི་གནས་སྟངས་ཤིག་ཆགས་ཡོད།
དཔེ་མཚོན་གྱི་ཚུལ་དུ་གཅིག་ཞུས་ན། རང་རེའི་བོད་པ་བཙན་བྱོལ་བ་རྣམས་ཀྱི་གནས་ཡུལ་རྒྱ་གར་ལྟ་བུར་ཆ་མཚོན་པ་ཡིན་ན་ལོ་རེའི་ཕྱི་ཟླ་དགུ་བའི་ཚེས་ལྔ་ཉིན་གྱི་དགེ་རྒན་ཉིན་མོ་ནི་རྒྱ་གར་གྱི་ལྟ་གྲུབ་མཁས་པ་དང་། རླབས་ཆེན་གྱི་དགེ་རྒན་ཆེན་མོ། རྒྱ་གར་གྱི་སྲིད་འཛིན་སྐུ་ཞབས་ ( Sir Sarvepalli Radhakrishnan ) མཆོག་གི་འཁྲུངས་ཚེས་ལ་གཏན་འཁེལ་བྱས་ཡོད་སྟབས། རྒྱ་གར་རྒྱལ་ཡོངས་སུ་ཉིན་འདིར་དགེ་རྒན་གྱི་ཉིན་མོ་ཞེས་པའི་དུས་ཆེན་དེ་སྲུང་བརྩི་ཞུ་བཞིན་པའི་གནས་སྟངས་ཤིག་ཆགས་འདུག དེ་བཞིན་དུ་རྒྱ་ནག་ལྟ་བུར་ཆ་མཚོན་ན་ཡང་དགེ་རྒན་ཉིན་མོ་སྲུང་བརྩི་ཞུ་སྟངས་ཀྱི་དུས་ཚིགས་ལ་འགྱུར་བ་འགའ་ཤས་ཕྱིན་མོད་ད་ཆ་རྒྱ་ནག་རྒྱལ་ཡོངས་སུ་ལོ་རེའི་ཟླ་དགུ་བའི་ཚེས་བཅུ་ཉིན་དགེ་རྒན་དུས་ཆེན་གྱི་ཉིན་མོ་དེ་སྲུང་བརྩི་ཞུ་བཞིན་ཡོད། དེ་མིན་གྱི་ཡུལ་གྲུ་མང་པོ་ཞིག་ལ་གོང་མཚུངས་ལྟར་དགེ་རྒན་དུས་ཆེན་གྱི་ཉིན་མོ་འདི་སྲུང་བརྩི་ཞུ་བཞིན་ཡོད་པའི་གནས་སྟངས་ཤིག་རེད། འོན་ཀྱང་ང་ཚོ་བོད་ལ་ཆ་མཚོན་ན་དེ་ལྟ་བུའི་འགྲོ་སྟངས་ཀྱི་གོམས་སྲོལ་ཞིག་མེད་པ་ནི་ཧ་ཅང་གི་བློ་ཕམ་དང་སྟོང་ཆ་ཞིག་ཏུ་མཐོང་། ལོ་ལྟར་བོད་ཕྱི་ནང་གཉིས་སུ་དགེ་རྒན་དུ་ཆེན་ནི་སོ་སོ་ལས་མི་རིགས་ཐ་དད་པ་ཞིག་དང་ཡུལ་ལུང་ཐ་དད་པའི་མི་སྣ་ཞིག་ལ་དགེ་རྒན་དུས་ཆེན་གྱི་ཉིན་མོ་འདི་སྲུང་བརྩི་ཞུ་བཞིན་ཡོད་པ་ནི་ཧ་ཅང་གི་བསམ་བློ་མ་བཏང་པ་དང་ཅོལ་ཆུང་གི་བྱ་བ་ཁོ་ནར་ཟད། རང་རེ་བོད་མི་རིགས་ནི་གནའ་སྔ་མོའི་དུས་ནས་ཤེས་རིག་དར་བར་མ་ཟད་མིའི་རིགས་ཀྱི་རྣམ་དཔྱོད་དང་ནུས་པ་ཁྱད་པར་དུ་འཕགས་ལ་དཔའ་ཞིང་མཛངས་པའི་རིགས་ཀྱི་རླབས་ཆེན་གྱི་སྐྱེས་བུ་ཤིན་ཏུ་མང་པོ་བྱོན་ཡོད་ལ། ཡུན་རིང་ལོ་རྒྱུས་ལྡན་པའི་མི་རིགས་ཤིག་ཡིན་པའང་དེང་སྐབས་ལོ་རྒྱུས་དངོས་གཙོ་སྨྲ་བ་ཕལ་མོ་ཆེ་ནས་ཤེས་རྟོགས་བྱུང་ཡོད་པར་མ་ཟད་ངོས་འཛིན་ཀྱང་དེ་ལྟར་ཞུ་བཞིན་ཡོད། ང་ཚོ་བོད་ཀྱི་དགེ་རྒན་དུ་ཆེན་གྱི་ཉིན་མོ་དེ་གཞན་རྟེན་ཁོ་ནར་རྒྱབ་གཏད་ནས་སྡོད་དགོས་པ་ཞིག་ག་ལ་ཡིན། འདི་ནས་བརྩིས་པའི་ལོ་ངོ་ ༡༣༨༢ ཡས་མས་ཤིག་གི་གོང་ནས་སྐུ་བལྟམས་ཤིང་རླབས་ཆེན་གྱི་མཛད་པ་བདག་གིར་བསྐྱངས་གནང་བས་འཕྲུལ་བློན་མཛངས་མི་སློབ་དཔོན་ཐོན་མི་སམ་བྷོ་ཊ་ལ་བོད་ཀྱི་དགེ་རྒན་ཉིན་མོ་སྲུང་བརྩི་ཞུས་ན་ཅིའི་ཕྱིར་མ་འགྲིག་པ་ཡོད། དེ་ཡང་སྐྱེས་མཆོག་ཁོང་ནི་རང་རེའི་གངས་ཅན་གྱི་ལྗོངས་འདིར་དབྱངས་གསལ་སོ་བཞིའི་སྡེབ་ལེགས་ཀྱི་སྲོལ་ཐོག་མར་འབྱེད་མཁན་དང་སློབ་དཔོན་ཞེས་པའི་མཚན་གྱི་སྙན་པ་ཡང་དུས་སྐབས་འདི་ནས་ཐོགས་ཡོད་ལ་ད་དུང་རིག་པའི་གནས་མང་པོ་ནང་འདྲེན་དང་བསྒྱུར་བ་ལ་སོགས་པའི་རིག་པའི་དཔལ་ཡོན་གྱི་ཆུ་གཏེར་འདྲེན་མཁན་ཞིག་ཆགས་ཡོད། མདོར་ན་གངས་ཅན་གྱི་ཞིང་འདིར་སྲིད་མཐའ་ལ་ཐུག་གི་བར་དུ་སུབ་ཐབས་བྲལ་བའི་བཀའ་དྲིན་བརྗོད་ཀྱིས་མི་ལོང་པ་བསྐྱངས་ཡོད། བོད་བཙན་པོའི་ཆབ་དཔལ་རིག་གསུམ་འཕེལ་རྒྱས་ཀྱི་གོམ་སྟབས་གསར་བ་ཞིག་ཏུ་བསྐྱོད་རྒྱུར་སྒོ་ཡངས་པོ་ཞིག་ཕྱེས་ཡོད་པར་མ་ཟད་དུས་ད་ལྟ་ལ་ཐུག་གི་བར་དུ་རང་རེ་རྣམས་ལ་སྤོབས་པ་དང་མགོ་འཕང་མཐོན་པོར་སྡོད་ཆོག་པའི་མི་རིགས་ཀྱི་ངོ་བོའམ་སྲོག་རྩ་ཉར་ཆེད་ཕུན་སུམ་ཚོགས་པའི་སྐད་ཡིག་གི་རྒྱུན་ཐག་སྲ་མོ་ཞིག་བཞག་ཡོད། གནས་ཚུལ་འདི་དག་ནི་ངས་འུད་བརྗོད་དང་ཞེན་ཁོག་ཙམ་མིན་པར་འདས་པའི་ལོ་རྒྱུས་ཡིག་ཚགས་དག་ལས་གསལ་བོར་ཤེས་ཐུབ། འོ་ན་དེ་ལྟ་བུའི་རླབས་ཆེན་གྱི་སྐྱེས་བུ་ཞིག་ལ་ཅིའི་ཕྱིར་ང་ཚོས་དགེ་རྒན་གྱི་དུས་ཆེན་སྲུང་བརྩི་མ་ཞུས་པར་ལྷག་པ་རེད། ཡང་ན་ང་ཚོས་ད་བར་དུ་དེའི་སྐོར་ཐུགས་སྣང་མ་བྱས་པ་དང་ཡང་ན་ཐུགས་ཞིབ་གནང་མཁན་རེ་འགའ་ཡོད་ཀྱང་ནུས་པས་མ་འདང་བ་སོགས་གང་ལྟར་རྒྱུ་རྐྱེན་སྣ་མང་ཞིག་གི་དབང་གིས་དེ་ལྟར་ལུས་ཡོད་པའི་གནས་སྟངས་འདི་འདྲ་ཞིག་ཆགས་ཡོད། འདིའི་རིགས་ནི་ཐ་སྙད་གཏན་འབེབས་དང་གཞུང་ལུགས་ཕྱོགས་སྒྲིག་ལྟ་བུ་ཞིག་མིན་པར་མཁས་པ་དང་ཤེས་ལྡན་པའི་ཚོགས་སུ་གྲོས་བསྡུར་དང་ཞིབ་འཇུག་བྱས་ཏེ་ཚར་འགྲོ་བ་ཞིག་དང་གཅིག་གྱུར་ཆགས་འགྲོ་བ་ཞིག་ཏུ་མ་མཐོང་ལ། དེ་ནི་མི་སྒེར་དང་ཚོགས་སྡེ་སོགས་བྱེ་བྲག་ཅིག་ནས་རང་རང་གི་འགན་འཁྲི་ཞིག་གི་འདུ་ཤེས་སྙིང་ལ་བཅངས་ནས་ལས་དོན་འདིར་འབད་ཚེ་ད་གཟོད་གྲུབ་འབྲས་ཤིག་སྨིན་རྒྱུ་ཡོད་པ་ཆོས་ཉིད་ཡིན། དཔེ་མཚོན་ཙམ་ཞུས་ན་དེང་གི་ལྷག་དཀར་ཞེས་ཚ་ཚ་འུར་འུར་ངང་གཞུང་སྒེར་ཚང་མས་སྲུང་བརྩི་ཞུ་བཞིན་པ་དེ་ཡང་དང་ཐོག་ཤེས་ལྡན་པ་དང་མཁས་པ་དག་འཛོམས་ནས་གཏན་འབེབས་བྱས་བཞག་པ་ཞིག་མིན་ལ། གཞིས་ལུས་མི་མང་གི་ཁྲོད་ནས་མ་སྐུལ་དང་བླངས་ངང་ཐོན་པའི་༸རྒྱལ་དབང་མཆོག་གི་སྐུའི་བླ་གཟའ་སྲུང་བརྩི་དང་འབྲེལ་བོད་ཀྱི་རིག་གནས་སྲུང་སྐྱོབས་བྱེད་ཐབས་ཀྱི་ལས་གཞི་ཞིག་ཆགས་ཡོད། དེས་ན་བོད་ཀྱི་དགེ་རྒན་ཉིན་མོ་སྲུང་བརྩི་བྱེད་པའི་ལས་གཞི་འདི་ཡང་དེ་དང་འདྲ་བར་རྒྱ་ཁྱབ་རང་བཞིན་དང་དོ་སྣང་སླེབས་ཐབས་སུ་མི་སྒེར་སོ་སོའི་ངོས་ཐད་ནས་འགན་ཁུར་རེ་དང་དུ་བླང་ཚེ་ཕན་འབྲས་ངེས་ཅན་ཞིག་ཐོན་རྒྱུ་ཡིན་པ་སྨོས་མེད་རེད་སྙམ། དེར་བརྟེན་ལས་གཞི་འདི་ནི་ང་ཚོའི་མི་རིགས་ཀྱི་འཕྲལ་ཕུགས་རྒྱང་གསུམ་གང་ལ་ཡང་ཕན་པ་ལས་གནོད་པ་ཡོད་མི་སྲིད་ལ། མ་ཟད་མེས་པོ་སྙིང་སྟོབས་ཅན་ཚོའི་བཀའ་དྲིན་ལ་དྲན་གསོ་བྱེད་སྟངས་ཤིག་དང་ང་ཚོས་ཀྱང་རང་གི་རིགས་ལ་ཞེན་པ་དཀར་བའི་སྲི་ཞུ་ཅུང་ཙམ་ཆགས་ཡོད་སྙམ། དེ་ལྟར་བྱས་ཚེ་ད་གཟོད་དོན་ཆུང་ཞིག་གིས་དོན་ཆེན་བསྒྲུབ་ཅེས་པའི་དཔེ་ལྟར་ཐོག་མའི་གོམ་སྟབས་ཆུང་ངུ་ཞིག་ནས་རྒྱུན་མཐུད་དེ་འབད་བརྩོན་བྱས་ཚེ་བྱ་བཟང་དེ་ཉིད་ཀྱི་ནུས་པ་དང་ཤུགས་རྐྱེན་སྤྱི་ཚོགས་ཧྲིལ་བོར་ཁྱབ་ཐུབ་པའི་ཐབས་ལམ་ཉག་ཅིག་ཡིན་སྙམ།

རྩོམ་སྒྲིག་པས་ཕྱི་ལོ་ ༢༠༡༥ ཟླ་ ༨ ཚེས་ ༡༧ ཉིན།

མཆན།

BLOGGER




Name

གཏམ་བཤད།,1,ཆོས་འབྱུང་།,1,དགེ་རྒན་ཉིན་མོ།,3,དཔྱད་རྩོམ།,1,དཔེ་ཆ།,5,པར་མཛོད།,4,བཀའ་སློབ།,1,བཅར་འདྲི།,1,བྱ་དངོས།,1,བརྙན་མཛོད།,5,བསམ་ཚུལ།,1,བོན།,1,མི་སྣ།,1,འཚོ་བའི་ལམ་ཆུང་།,1,རྣམ་ཐར།,1,རིག་གྲོལ་ཇུས་འགོད།,2,རིག་གྲོལ་དཔེ་ཁང་།,19,རིག་གྲོལ་ཞིབ་འཇུག,7,ལོ་རྒྱུས།,1,ས་ཆ།,1,སྒྲ་མཛོད།,5,སྒྲ་ལྡན་གཏམ་བཤད།,1,སྒྲ་ལྡན་བཀའ་སློབ།,1,སྒྲ་ལྡན་བཅར་འདྲི།,1,སྣ་མང་།,1,སྣ་ཚོགས།,1,
ltr
item
རིག་གྲོལ་དྲ་མཛོད།: ཉིན་མོ་ཞིག་ཕྱི་དྲན་དང་གླེང་སློང་།
ཉིན་མོ་ཞིག་ཕྱི་དྲན་དང་གླེང་སློང་།
http://2.bp.blogspot.com/-uZ_4qC0Y4IU/Vdax8QD_WqI/AAAAAAAAKhg/mcLKHnH05UE/s640/image12.jpg
http://2.bp.blogspot.com/-uZ_4qC0Y4IU/Vdax8QD_WqI/AAAAAAAAKhg/mcLKHnH05UE/s72-c/image12.jpg
རིག་གྲོལ་དྲ་མཛོད།
https://www.rigdol.com/2015/08/blog-post_76.html
https://www.rigdol.com/
https://www.rigdol.com/
https://www.rigdol.com/2015/08/blog-post_76.html
true
2122094988650868829
UTF-8
རྩོམ་ཡིག་ཡོངས་སྟོན། རྩོམ་ཡིག་རྙེད་མ་སོང་། ཆ་ཚང་ལ་ལྟ། འཕྲོ་ཀློག ལན་འདེབས། ལེན་དོར། སུབ། སྤེལ་མཁན། གཙོ་ངོས། ཤོག་ངོས། རྩོམ་ཡིག View All དེ་འབྲེལ་རྩོམ་ཡིག་གཞན། སྡེ་ཚན། ཡིག་མཛོད། འཚོལ་བཤེར། རྩོམ་ཆ་ཚང་། ཁྱེད་ཀྱི་འཚོལ་བཞིན་པའི་རྩོམ་འདི་མིན་འདུག མདུན་ངོས་ལ། གཟའ་ཉི་མ། གཟའ་ཟླ་བ། གཟའ་མིག་དམར། གཟའ་ལྷག་པ། གཟའ་ཕུར་བུ། གཟའ་པ་སངས། གཟའ་སྤེན་པ། ཉི་མ། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ། ཕྱི་ཟླ་དང་པོ། ཕྱི་ཟླ་གཉིས་པ། ཕྱི་ཟླ་གསུམ་པ། ཕྱི་ཟླ་བཞི་པ། ཕྱི་ཟླ་ལྔ་པ། ཕྱི་ཟླ་དྲུག་པ། ཕྱི་ཟླ་བདུན་པ། ཕྱི་ཟླ་བརྒྱད་པ། ཕྱི་ཟླ་དགུ་པ། ཕྱི་ཟླ་བཅུ་པ། ཕྱི་ཟླ་བཅུ་གཅིག ཕྱི་ཟླ་བཅུ་གཉིས། ཟླ་དང་པོ། ཟླ་གཉིས་པ། ཟླ་གསུམ་པ། ཟླ་བཞི་པ། ཕྱི་ཟླ་ལྔ་པ། ཟླ་དྲུག་པ། ཟླ་བདུན་པ། ཟླ་བརྒྱད་པ། ཟླ་དགུ་པ། ཟླ་བཅུ་པ། ཟླ་བཅུ་གཅིག ཟླ་བཅུ་གཉིས། ད་ལྟ། སྐར་མ་ 1 སྔོན། $$1$$ minutes ago ཆུ་ཚོད་ 1 གོང་། $$1$$ hours ago ཁ་སང་། $$1$$ days ago $$1$$ weeks ago བདན་ཕྲག 5 ལས་མང་བའི་གོང་ལ། རྗེས་གཞུགས་པ། རྗེས་གཞུགས། THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy